2012/12/21

Neguko oporrak disfrutatu!!!


Aupa koadrila!
Disfrutatu oporrak,
opariak neurrian jaso
eta jasangarriak egin.
Urte berri berde-berdea eta oparoa zuentzako!!!

Elgoibar Ikast.: zorionak!!!

kaixo guztioi!!!! 

Elgoibartik ere gabon zoriontsuak opa dizkizuegu eta urte berri ona pasa!!

Besarkada handi bat

2012/12/20

Elgoibar Ikas.: elkartasun azoka!


 Kaixo lagunak:

Aurten ere, Elgoibar Ikastolako ikasleak, lehen eskuko merkatu bat antolatu dugu.
Merkatu honetan, LH5, 6 eta DBH1, 2, 3, 4ko ikasleak parte hartu genuen. Ikasle guztiek ekarri zuten etxean zituzten jolas, erropa, bideo jokoak... Hori dena ondo joan zedin, jostailu bakoitzari, etiketa bat jarri genien. 
Etiketa horretan, jolasaren numeroa, jabea, maila eta prezioa adierazten zituen.  Denen laguntzaz, merkatu handi bat egitea lortu genuen. Ikasle asko pres egon zen merkatuan jolasak saltzen egoteko. 09:00etan hasi eta 14:00etan bukatu zen eta denbora guztian, txandatuz, ikasleak egon ziren. Gende asko joan zen merkatua ikusi eta gauzak erostera. Bukaeran, espero genuena baino gehiago saldu zen eta asko poztu ginen. Saldu ez ziren jostailuak, jabeei itzuli zizkiegun eta saldu zena berriz, jostailuak balio zuenaren %80a itzuli genien. Ikastola %20arekin gelditu zen. Dena primeran irten zitzaigun eta hurrengo urtean berriz ere antolatzea pentsatu dugu.
 
AGUR

Vizkaya Ik.: Zorionak

Hemendik ere, IRAES 21 - ko kideentzat:
 
 ZORIONAK! eta URTE BERRI ON!
 
Hona hemen Lehen Hezkuntzakoek gabonak zoriontzeko sortu duten edalontzizko elur panpina,dena material birziklatuez eginda.
 
COLEGIO VIZCAYA

San Fidel: Zorionak!!!

San Fidele ikastolako LH  5. eta 6. mailakaoek etxeko zokoetan aurkitu dituzten materialeekin eta hondakinekin  Jaiotzak egin dituzte, lehiaketa baten parte hartuz Gabonetako postala egiteko. Hor doaz argazki batzuk, euren artean ikusiko duzue Nesspreso kafearen ontzitxoekin egindako kanpaitxoak erabili direla gabonetako apaingarria egiteko ere.
Zorionak denoi eta ondo pasa oporrak!!!

San Fidel ikastolako IRAES21 ikasle taldea

2012/12/19

Urretxindorra HI: Gabonak zoriontzen...

Kaixo, lagunak. Badakigu nahiko atzeratuta gabiltzala baina aste berezi hau aprobetxatu dugu ataza batzuk aurrera ateratzeko.
Aurkezpena ikasgelan ikusi dugu. Aipuren bat oso ondo ulertzen ez genuenez denon artean argitzen saiatu gara, gero etxean hobeto
 pentsatu ditugu eta berriro ere ikasgelan eztabaidatu eta adostu egin dugu.
Hauxe da Muxikako Urretxindorra eskolan aukeratu dugun AIPUA:
 "Lurra ez da gure gurasoen herentzia, gure seme-alaben mailegua baizik" Indiako esaera zaharra.
Guretzako zentzu handia dauka. Denon artean natura zaindu behar dugu. Batzutan ahaztu egiten zaigu Natura ez dela "gurea"
"denona" dela eta denok disfrutatzeko arduragaz kontsumitu behar dugula. Gainera gaur egun bizi garen guztiok disfrutatu beharko genuke,
ez bakarrik munduko pertsona batzuk; eta orain ez badugu arduragaz kontsumitzen, zer gertatuko zaie gure atzetik etorriko diren belaunaldiei?
Ondo pasa oporretan!!!!
Aida, Maialen, Oihane, Ania, Mikel ....... eta gure eskolako lagun guztiak!!!

Elgoibar Ik.: Mugikortasuna lantzen...


Elgoibar ikastolako, LH6. mailako, agenda 21-eko arduradunak gara.
Mugikortasun jasangarriaren astean hainbat ekintza egin genituen ikastola mailan. Guk isun sinbolikoak jarri genituen Elgoibarko herrian. Hona hemen ekintzen zerrenda eta argazki batzuk:
  1. Lehenengo isunak prestatu genituen gelan. 
  2. Ondoren kalera atera eta auto gehien egoten diren tokietara abiatu ginen.
  3. Taldeka isunak jarri genituen, gaizki aparkatutako autoetan
  4. Bukatzeko gelara bueltatu eta balorazioa egin genuen.
Agur beroak eta ondo izan.
Nora Astigarraga eta Beñat Fernandez de Jauregi

Eskolabarri (Ermua): Gabonak zoriontzen


2012/12/18

Axular BHI hausnartzen...


Gure taldeko Axular IRAES partaideen argazkia bidali nahi dizuegu eta aukeratutako leloa.Txoko berdean gaude eta kontsumoari buruzko leloa aukeratuta "Zenbat lur planeta behar dira gure kontsumoa asetseko'" ARGAZKIA ATERA DUGU.
 
"Ez pentsa taldeak zer egin dezakeen  zuregatik ,baizik eta zeuk zer egin dezakezun taldearengatik" Magic Jonshon.
 
Ezin gara geldirik geratu eta itxaroten.....guk geuk nahiz eta gutxi....baliteke gauza handiak egitea.

2012/12/17

Eskolabarri: IRAES 21 familiei erakusten

 Orain arte Iraes 21 sarean egindako lana ezagutzeko interesa adirazi zuten gurasoak batzordeko ikasleokin bidu ziren. Zer da IRAES21?, Zertarako sortzen da?, Zein helburuak lortu nahi ditu?, Nola lantzen da?. Galdera hauei erantzunak emateaz gain, 2010 urtetik ospatutako konferentzietan parte hartu zuten ikasleen esperiantziak ere azaldu genuen. Konferentzia horietan ateratako dokumentuak ezagutarazi ziren: “Euskadiko Gazteen Arduren Gutuna”, “IRAES 21eko ikasleen Deia”, “Europako manifestua”…
Bukatzeko, Euskadiko biztanle bateko aztarna ekologikoa eta gure bizimoduak planetan duen inpaktuari buruzko hausnarketa egin genuen.
Espero dugu familiek gauza asko ikasi izana!


San Jose-Carmelitas hausnartzen...

San José – Carmelitas ikastetxean esaldi hau aukeratu dugu:
“ Lurra ez da gure gurasoen herentzia,

gure seme-alaben mailegua baizik”

Muturrezko egoera latza baten egia islatzen duelako, etorkizunean ondorioak izango dituena. Utzi egingo  dugun mundua gure hurrengo belaunaldiek aurkituko dutena izango delako, eta, gu orain egiten ari garena, etorkizunean eragin handia izango duelako

Gure munduan gertatzen diren gauzen arduradunak gara.

Elorrio BHI: IRAES 21 Taldea


Elorrio BHIko IRAES 21 Taldea

2012/12/14

Beurko BHI: Jostailu bilketa

Jostailu bilketa Beurko BHI

Gabonak direla eta, jostailu bilketa bat antolatu dugu bigarren mailako agenda 21eko ikasleok. Egoera oneko bigarren eskuko jostailuak zein erosi berriak izan daitezke. 

Ez dute garestiak izan behar:
  • Margoak
  • Panpinak
  • Ipuinak
  • Estutxeak
  • Kotxeak
  • Pelutxeak
Honetaz gain, bildutakoa paperez biltzeko, oparientzako papera ekartzea eskertuko genizueke

Bildutakoa, umezurtz etxeetan banatuko dugu, ahalik eta gabonik zoriontsuenak izan ditzaten.

Guztion partaidetza izugarri eskertuko dizuegu.

Epea: azken eguna abenduaren 21a izango da.

2012/12/13

2012/12/12

San Félix Ik.: Lipdub

Iraes21eko taldea pasa den kurtsoaren amaieran ikaragarrizko lana egiten animatu ginen. Ikasleok zein irakasleok, bai Iraes21ekoek bai EA21ekok pentsatu, planifikatu, antolatu eta kudeatu genuen LIPDUB bat! Zertarako? Batez ere ongi etorria emateko gure bandera berdeari eta jasankortasunaren inguruko sentsibilizazioa egiteko ere. Adibidez, azaroaren 28 ospatu dugu EA21eko eguna gure ikastetxean eta egun horretan egin dugu Lipdubaren aurkezpen ofiziala. Horretaz gozatu nahi baduzue, egizue klik bideo honetan:

 

Sagrado Corazón Ik. hausnartzen...


SAGRADO CORAZON ikastetxea (BERMEO)
 
 
Guk talde moduan egin dugun hausnarketaren ondorioz aukeratu izan dugun esaldia Albert Einstein-ek esandakoa izan da
 
"Emaitza ezberdinak bilatu nahi badituzu, ez egin beti gauza bera".
 
Zergatia:
 
Konturatu gara ingurumenarekin daukagun portaera kalte egiten ari dela. Hori dela eta jokaera aldatu beharrean ikusten gara, gauza berdinak egiten jarraitu barik.
 
Gure ikastetxean aldaketa horiek sartzeko saiakeran gabiltza, hondakinen kudeaketa egokia eginez, erosketa berdea bultzatuz, etb
 
Beste barik agurtzen gara hurrengora arte. 

San Felix Ik.: IRAES 21 Taldea eta helburuak



San Felix eta Iraes 21 martxan jartzen:

Albiste honen bitartez aurkeztu nahi dizkizuegu gure ikastetxeko EA21eko batzordea eta Iraeseko taldea. 

Bi taldeok elkarlanean gabiltza aurten; alde batetik EA21eko batzordeak kudeatuko ditu ikastetxe osoko ingurumenarekin zerikusia duten ekintza guztiak eta Iraes taldeak, bereziki Iraes atalari dagokiona, baina EA21eko taldearen oniritziarekin, noski. 

Konturatu ginen Iraes 21 zer den oso ikasle zein irakasle gutxik zekitela, beraz, suposatu genuen familiek ere ez zekitela. Horregatik, aurten gure lehenengo lana IRAES21 inguruko sentsibilizazioa izan da eta horretarako ikastetxeko etapa desberdinetako solairuetan sare honi buruzko informazioa plazaratu dugu, baita ikastetxeko webgunean ere. Horrela espero dugu gure lehen helburua bete ahal izatea.


2012/12/05

Bihotz Gaztea Ik. hausnartzen...


Kaixo!

Bihotz Gaztea Ikastolako ikasleak gara eta azkenean M. Gandhiren esaldia aukeratu dugu: "Era sinple batez bizi behar dugu beste batzuk, sinpleki, bizi ahal izateko".

Gure ustez, gaurko gizarteak beti gero eta gauza gehiago kontsumitu nahi du. Produktu hauek enpresa handiek herrialde probeetan egiten dituzte eta langileen baldintzak oso txarrak dira. Guzti hau, gure kontsumo nahiak asetzeko. Pentsatzeko modukoa da, ezta?

IRAES 21 IKASLEAK 2013KO EGUTEGIA


Beno, 2013 laster etorriko da. Urte berde-berdea espero dugu, urte orlegia eta urdina, ingurumenarekiko urte itxaropentsua espero dugu.
IRAES 21 Taldekideak hor zaudete jo ta ke ingurumenaren alde ikastetxean, auzoan eta herrian ere. Ba, urtean zehar ez galtzeko hona hemen daukazue IRAES 21 IKASLEAK sarearen egutegia. Merke-merkea: dohain.


Bi aukera daukazue:
- doc fitxategia: bertan orrialde bakar baten, urtea daukazue eta IRAES 21en logoa. Irudian agertzen den moduan, leku zuri bat dago ingurumenaren krisiarekin zerikusia duen argazkiren bat, edo naturarena, jasangarritasunaren aldeko mezu bat edo marrazki bat jartzeko.
- ppt fitxategian: egutegi-dodekaedro bat daukazue. Lehenengo, hilabete bakoitzari kolore bat eman, markatu martxoaren 14a (Euskal Confint) eta beste data inportanteak. Marretatik moztu, puntuetatik tolestu (argazkian agertzen den moduan) eta gero itsatsi. Egutegi sendoago bat nahi baduzue kartoi mehe baten gainean itsatsi eta gero mozketa egin. Izugarrizko egutegi 3D geratuko zaizue.
 

Atera kopiak eta klaseetan jarri, ikaskideen artean banatu, irakasleei ere (merezi izan badute, jakina), lagunei oparitu, edo bururatzen zaizuena egin.

Disfrutau!

2012/12/03

Elgoibar Ik.: Mugikortasun Astea

Kaixo!!!
 

Gu Elgoibar Ikastolako IRAES taldeko kideak gara, DBH1eko ikasleak: Irati, Iker, Ander eta Sarai.
 

Guk mugikortasunaren astean hartu genuen parte. Proposatu zigutena da aste horretan, ikastolara bizikletaz etortzea. Orduan, DBH-ko ikasleok kirol arduradunekin etorri ginen ikastolara, horrela gutxiago kutxatzeko, bizikleta gehiago erabiltzeko eta gainera kirola egiteko.

Plazan elkarrekin etara genuen argazkietako bat bidaliko dizuegu.


AGUR laister arte, eta espero dugu lana asko gustatzea.

2012/11/30

Eskolabarri hausnartzen...

Hemen daukazue gogoeten artean gehien gustatu zaigun esaldia.
"Era sinple batez bizi behar dugu beste batzuk, sinpleki, bizi ahal izateko"
Gandhik idatzitakoa.
Zergaitik aukeratu dugu? Ba hausnarketa egin ondoren,GUZTION etorkizuna hobetzeko, gure bizimodua aldatzeko beharra ikusi dugulako.
Eskolabarriko Ingurumen batzordekoak.

2012/11/29

Juan Orobiogoitia hausnartzen...


Kaixo IRAES taldeak!

Juan Orobiogoitiako Ingurumen Tailerreko ikasleak gara eta guk aukeratutako esaldia
ondokoa da:

Emaitza desberdinak bilatzen badituzu,ez egin beti gauza bera ”. Albert Einstein-ena.

Zergatik aukeratu dugu:

Ingurumena zaintzeko,ez hondatzeko,ez kaltetzeko, gure jarrerak aldatu behar ditugu bestela, txarrerantz joango gara. Guk honen alde, gure ikastetxeak egiten duguna zera da:


  • Paper birziklatua erabiltzea, zuhaitzen mozketa murriztu egingo da.
  • Plastikoen sailkapenaren bidez, hondakin kopurua murrizten dugu eta plastikoak berrerabiltzen ditugu.
  • Janari gordin soberakinak bildu egiten ditugu jantokian konposta egiteko.
  • Erabiltzen ditugun pila guztiak birkargagarriak dira, honela hondakinak murriztuz.
  • Baliogabeko CD-ak biltzen ditugu kutxa bereizietan birziklatzeko.
  • Tapoien bilketa egiten dugu, gazte elbarri batek aulki berria erosi ahal izateko.
  • Gastatutako boligrafo eta errotulkiak kutxa batean biltzen ditugu birziklatzeko.
  • Ikasgai ezberdinetan eragiketak, grafikoak… egiteko, berrerabiltzeko papera erabiltzen dugu, orri berrien ordez.


Egunero ekintza txikiekin gauza handiak lortu ditzakegunez, animatzen zaituztegu gu bezala
gauza txikiekin ingurumenaren alde lan egiten. Besterik gabe.

JUAN OROBIOGOITIAKO IRAES TALDEKO IKASLEAK

Franciscanas Montpellier: IRAES Taldea eta helburuak

Kaixo:

Gu Irati G., Joane, Iratxe, Olatz, Lorena V., Irati, Eneko, Asier, Lorena eta Oihane gara. Franciscanas de Montpellierreko DBH-ko ikasleak gara. Gure eskolan, Garbitxu izeneko maskota bat dugu. Urte honetan, ekologiari buruzko konpromezu batzuk sinatu ditugu; eta orain dela hilabete bat, zuhaitz batzuetan marraztutako konpromezuak zintzilik ipini ditugu. Urtero zuhaitz bat landatzen dugu eta baratze ekologikoa jartzen dugu martxan.


Gure klaseetan, birziklatzeko zakarrontzi batzuk ditugu eta klase bakoitzean Agenda 21-erako ordezkariak daude.
Pasiloetan landareak dauzkagu eta astero ureztatzen ditugu. Kanpoaldean guk gozatzeko lorategi handia daukagu eta hori ere, errespetatzen dugu.



Bihotz Gaztea Ik.: IRAES taldea eta helburuak



Kaixo laguntxoak:

Gu Aimar, Kevin, Ander eta Aritza gara eta Santurtziko Bihotz Gaztea Ikastolako ikasleak gara. Hain zuzen ere, DBHko lehenengo zikloan gaude, 1.go eta 2. mailan. Ikasturte honetan ingurumen batzordeko partaideak gara eta gure lehenengo urtea izango da.

Prest gaude ingurumen aldeko hainbat ekintzetan parte hartzeko.

Agur bero bat.

2012/11/23

San Fidel hausnartzen...

Aukeraketa egiteko 10 kide egon gara, lehenengo irakurri egin ditugu danak, eta bakoitzak gustokoena aukeratu du. Gero, ikusi dugu esaldi biren artean egon dela gehiengoa, eta bigarrenez irakurri ditugu bi hoiek eta botoa eman dugu. Horrela, Albert Einsteinek esandakoa aukeratu dugu:

"Emaitza ezberdinak bilatu nahi badituzu, ez egin beti gauza bera"

Einsteinek esandakoa aukeratu dugu honegatik:

Munduak txarrera joateko joera honetan jarraitzen du, guk berdin jarraitzen dugulako. Ez badugu aldatzen gure jarrera munduarekiko, eta ez badugu aldatzen gure bizimodua, ezin izango dugu aldatu emaitza, hau da, Lurraren heriotza.


San Fidel ikastolako IRAES taldea

2012/11/19

Urretxindorra LHI: IRAES Taldearen helburuak


Kaixo 
Muxikako Urretxindorra herri eskolakoak gure burua aurkeztu behar dizuegu; gure eskolako IRAES  taldea aldatu da eta. Pasa den urtean 6. mailako ikasleek osatu zuten baina aurton ez daudenez eskolan, Lehen Hezkuntzako 5. eta 6. mailako ikasleek osatzea erabaki dugu. Gu gara: Maialen (5. mailakoa) Oihane, Aida, Ania eta Mikel (6. mailakoak). Pentsatu dugu bi mailakoak  izanda datorren kurtsoan 6. mailakoak joango garenean Maialen utziko dugula lekuko ikasturte honetan 4. Mailan daudenarekin batera.
Gure ardura nagusia zuekin lan egitea izango da.
Lehenengo zuek erakusten diguzuena ezagutu etahorren berria gure eskolako lagunei kontatu.
Guk eskolako patioan “Txindoren txokoa” daukagu (TXINDO gure maskota da) eta egiten dugunaren lan berriak han eskegitzen ditugu; horrela, ez guk bakarrik, gure gurasoek eta bisitariek zertan gabiltzan jakin badakite.
Bigarren gure eskolan sortzen diren berriak zuei kontatuko dizkizuegu.
Aurton “Elikadura osansuntsua”ri buruzko lana egingo dugu; eta pentsatu dugunez eskola ortua egitea herriko Udalari idazkia bidali diogu laguntza eskatzen. Emango digutelakoan gaude.
Hona hemen gu eta Txindoren txokoa argazki polit honetan.
Animo eta aurrera ingurumenaren alde!!!!!!


San Jose Floreaga: IRAES Taldearen asmoak



Arratsalde on guztioi!

Gu Azkoitikoak gara, Gipuzkoan kokatua. Floreaga Salestar ikastetxeko adin dezberdinetako ikasleak gara: Xabier(14 urte), Ander(11urte), Arianne(11urte), Maria(13 urte) eta Janire(15 urte).
Aurtengo ikasturtea gogotsu hasi dugu, lan egiteko prest. Agenda 21eko helburu nagusienetako bat, gure zaborrarekin zer egiten dugun jakitea da.

Besterik gabe, gure kanpaina dezberdinen berri ematen joango gara eta zuen kanpainen berri jakitea ere espero dugu. Mila esker!

Floreagako ikasleak.

2012/11/15

Kantauri BHI: Bale bat Santurtzin

BIDAIAREN ESPERIENTZIA
   Portura ailegatu bezain laster, ez genekien zien zen gure itsasontzia. Mutil bat gugana etorri zen eta portutik hurbil zegoen leku batera eraman gintuen, geroago txaleko batzuk jarri genituen, itsasontzira igo ginen eta nabigatzen hasi ginen.
 
   Itsasontziko jabeak aurkeztu ziren, Peru eta Jose Antonio deitzen ziren eta beraiek egon ziren bidai osoa gurekin itsasontziari buruz hitz egiten. Bidaiatik ikusten genituen pertsona guztiak agurtzen genituen eta haiek agurrak itzultzen zizkiguten.

   Santurtzin zegoen monumentu batera joan ginen eta bere istorioa kontatu ziguten. Geroago Zierbanarantz abiatu ginen eta itsasontzia gidatzea utzi ziguten.

   Zierbanan geundenean, haize-errota handi-handi batzuk ikusi genituen. Ikusten genituen bitartean, Jose Antonioren anaiak esan zigun bale bat zegoela eta laster abiati ginen balea ikustera. Guztiok pentsatzen genuen broma bat zela baina horra joan ginen eta han zegoen balea. Peruk eta Jose Antoniok esaten ziguten ez altxatzeko baina balea uretan sartzen zenean eta ateratzen zenean eskuinean, guztiok altxatzen ginen eta eskuinalderantz joaten ginen eta eskerrean ateratzen zenean, guztiok altxatzen ginen eta ezkerrerantz joaten ginen balea ondo ikusteko.

   Lau edo bost itsasontzi zeuden balea ikusten.

   Azkenean, portura berriro bueltatu ginen, argazki batzuk atera genituen, bisera batzuk oparitu zizkiguten, jaitsi ginen eta txalekoak kendu genituen.

   Oso ondo pasatu genuen!!!
BALEA
   Urriaren 11n, Udaletxeak antolatua, institutuko 1. mailakoak itsasontziz paseo bat ematera joan ginen. Institututik Santurtziko portura abiatu ginen. Han txalekoak jantzi eta itsasontzi batean denok sartu ginen. Musika lasaigarria entzuten genuen bitartean Portugaleterantz abiatu ginen.

   Bidaia horretan monitore batek itsasontziari buruzko informazio asko eman zigun: nola deitzen diren itsasontzi baten 4 aldeak, arraunak ere erabiltzen direla itsasontzia mugitzeko, eta abar.

   Momentu batean gidariak buelta eman zuen eta Zierbenara joango ginela esan zigun eta binaka itsasontzia gidatzen utzi zigun.

  Zierbenara heldu ginenean, monitore baten anaiak, txalupa batetik, bale bat urrunago zegoela esan zigun. Bidea jarraitu genuen eta bat-batean balearen isatsa ikusi genuen. Oso polita zen nola mugitzen zuen isatsa eskerretik-eskuinera, nola murgiltzen zen eta nola ateratzen zuen isatsa uretatik. Dena dela oso astiro zihoan eta bazirudien gaixorik zegoela.

   Nahiz eta oso gustura egon, Santurtzira bueltatu behar izan genuen.

 ITSASOA

  Niretzako, nire lagunarekin nabigatzea oso polita izan zen. Nire ustez itsasoan nabigatzeak asko erlaxatzen du. Esperientzia ona izan zen itsasoko gauzak ikastea. Asko ikasi dut zeren eta esan digute zer eramaten duen itsasontziak eta zenbat pisu daukan.

   Molinoak ere ikusi ditugu eta oso handiak ziren. 30 metro neurtzen zuten eta bost ziren, izugarriak.

  Niri gustatu zait nola komunikatzen ziren beste itsasontziekin. Baina gustokoena izan zen balearena, oso polita zen eta nire lagunak eta ni aho irekita geratu ginen ikusten nola jolasten zuen bera bakarrik, bueltak eta bueltak ematen. Oso polita izan zen eta nire lagunek argazkiak atera zituzten.

   Txango honetara merezi du joatea.


Axular Lizeoa: IRAES Taldea

Kaixo, Donostiako Axular Lizeoko ikasleak gara, Aitor, Unai, Irene eta Naroa. Agenda 21eko ordezkariak gara eta Iraes taldeko partaideak ere.
Aurten nahiko lanpetutak ibili gara eta konturatu gara epez kanpo gaudela baina espero dugu oraindik gu onartzea. Arazo hau ikusita ikasle gazteagoak bilatzen ari gara gu laguntzeko asmoz.
Hemen dauden bi argazkiak lehengo urtekoak dira:
Lehenengoan, DBH 4ko ikasleek aukera izan zuten Iraesen berri izateko eta horretan laguntzeko ere eta bigarrenean berriz, guraso eta irakasleei aurkezpen bat egin genien Iraes taldeari buruzkoa ere. Horiek izan bait ziren lehengo urteko zereginetariko batzuk.

Aurten ere gogor egingo dugu lan eta lehengo urteko emaitzak gaindituko ditugula espero dugu!

2012/11/13

Urretxindorra LHI: ingurumenaren alde abesten

Kaixo, lagunak! 
Pasa den urtean gure eskolan ingurumen alde abesten dogun kanta bidali geneutsuen . 
Gaur ikus dezakezue  ze ondo abesten daben lehenengo zikloko lagunek. 
Kurtsoaren amaieran, udal foroa egiten dugunean beti abesten dugu denok gogoratzeko zelan jokatu behar dogun ingurumenare alde.
  

2012/11/09

Urretxindorra LHI: Abestia


Kaixo lagunok:

Muxikako Urretxindorra eskolako lagunak gara. Tarina txoriaren inguruan abesti bat asmatu dugu. Gustukoa izatea espero dugu.
TARINA(carduelis spinus) txori txikitsua da. Udan Europako iparraldean eta neguan Meditarreo aldean bizi da. Habia egiteko adar txikiak, goroldioa eta lumatxoak erabiltzen ditu. Haziak jaten ditu baina kumeak zaindu behar dituenean intsektuak baita ere. Bere kantua arina da eta oso txori zaratatsua da.

2012/11/07

Sagrado Corazon: IRAES Taldearen helburuak

Kaixo guztioi,
Bermeoko Sagrado Corazon ikastetxeko IRAES 21 taldekoak gara. Aurten hartzen dugu parte honetan lehenengo aldiz, beraz gure helburuak oso zehatzak izango dira:
1. Gu bezala beste ikastetxe batzuetako ikasleak ere AGENDA 21ean lanean ari zaretela ezagutzea
2. Zuokin hartu-emanetan jartzea
3. Guk ere geure aportazioak egitea, ahal dugun neurrian.
4. CONFINTeko ekintzetan parte hartzea. 
Beste barik,
Hurrengora arte

2012/11/06

Confint ESP, EU, Río+20 eta gero... zer?

Orain gutxi berritu den estatuko Confint-aren blogean (http://confint-esp.blogspot.com.es/) hiru berri daukagu interesarekin:
- Confint: Balance 2012-13
- Confint: Cronograma previsto
- Confint 2012-13: Tareas
Interesgarria izango litzateke hara joatea,  proposamena ikustea eta partehartzeko aukerataz pentsatzea.
Ondo izan

2012/11/05

Eskolabarri Ik.: IRAES Taldearen helburuak

Kaixo lagunok! Eskolabarriko ingurumen batzordeko ordezkariak eta Iraes tadekoak gara!
LH.4. maila: Aner, Igor eta Ainara. 
LH.5. maila: Alex, Nerea, Oier eta Saioa.
LH.6. maila: Eneko, Igor eta Gorka. 

Hemen gaude ingurumenaren alde lan egiteko prest! Iraeseroak garelaren froga hau da.

Argazki hauekin, ikasturte honetarako dauzkagun asmoak esan nahi dizkizuegu.
 
 
 

IRAES 21 IKASLEAK: 2.lana

Kaixo IRAESTaldeak!!!
Gure bidea aurrera doa.

Batzuk jadanik lehenengo lana bete eta bidali duzue. Oraindik zabalik uzten dugu beraiena egiteko animatzen direnentzat .

Orain, bigarren lana hasten da.

Orain dela hilabete bat Bartzelonako Prat del Llobregat-en egon ginen Europako Confintari buruzko lanak egiten. Aterpetxe baten egon ginen (http://www.albergueesplaibarcelona.com/). 

Logelen artean kartel erraldoi batzuk zeuden burutazio eta pentsamendu batuekin. 

Argazkiak atera eta hona hemen dauzkazue: 

Bertan agertzen dira pertsonai jakintsu batzuen gogoetak, pentsamenduak eta hausnarketak. Zein da lana? Aurkezpenean bertan agertzen da. 

Ondo izan!

Elgoibar Ikastola: IRAES Taldea eta helburuak


Elgoibar Ikastola

Kaixo , Elgoibar Ikastolako ikasleak gara, eta aurten ere gogotik lan egiteko asmoa dugu. LH 5 eta 6 garren mailako ikasleak edukiko ditugu eta baita DBH 1 eta 2-koak, hurrengo hauek dira ezkerretik eskumara: Sarai, Nahia, Nora, Julene, Beñat, Mikel, Josu, Gorka eta Ander.

Aurten planeta zaindu nahi dugu eta lortzeko gogor lan egingo dugu lortu arte.

Urrian mugikortasunaren astea eduki genuen eta ikasleak bizikletaz etorri ginen ikastolara mugikortasuna bultzatzeko. Urtean zehar egiten ditugun ekintzak zuekin partekatuko ditugu.


San José - Carmelitas:



Kaixo,
Gu San José -  Carmelitas DBHko ikasleak gara (Santurtzikoak). IRAES Taldea osatzeko aukeratu gaituzte, Agenda 21eko ordezkari moduan.
Lan desberdinak egiteko taldetan banatu egin gara. Ikastola ordezkatzeko IRAES proiektuan bi bozeramaile izendatu ditugu eta horiek arduradun desberdinak antolatzen dituzte.
Beti saiatzen gara taldetan jende berria eta urte batzuk daramatzaten jendearekin elkartzea.
Gure helburu nagusia ingurumen arazoez,  bai gurasoak bai ikasleak, kontzientziatzea da.

2012/10/31

Karmengo Ama Ik.: IRAES Taldearen helburuak


KARMENGO AMA IKASTETXEA

Gu, Karmengo Ama ikastetxeko DBH-ko bost ikasle gara (EKAIN, BERNAT, ASIER, JON eta ENEKO) eta Agenda 21-eko proiektuan lan egingo dogu.
Aurton lema berri bat sortu dogu: “GUZTIEN IRTENBIDEA KONTSUMO ARDURATSUA”.

Karmengo Ama ikastetxeko DBH-en gauden ikasleak agenda 21 proiektua bultzatzen saiatuko gara (Bai eskolan bai gure herri mailan). Gure asmoa, planeta zaintzea, gauzak behar diren bezala birziklatzea, ur eta argi kontsumoak murriztea. Horretarako ekintza berriak burutuko doguz.

Momentuz gurasoen partaidetza ere lortu dogu, euren sinadurak eta gure konpromezuak bat eginez.